Somalidə silahlı şəxslər yük gəmisini ələ keçirdilər

Somali sahilləri yaxınlığında naməlum silahlı şəxslərdən ibarət qrup yük gəmisinə hücum edərək nəzarəti ələ keçirib.

hadiseler.info Böyük Britaniyanın Dəniz Ticarət Əməliyyatları Agentliyinə (UKMTO) istinadən xəbər verir ki, insident Mareyo sahilyanı yaşayış məntəqəsindən 4 dəniz mili cənub istiqamətində baş verib.

Gəminin təhlükəsizlik zabitinin verdiyi məlumata görə, 8 nəfərdən ibarət silahlı dəstə göyərtəyə daxil olaraq gəmini zəbt edib. Aydındır ki, aidiyyəti dəniz təhlükəsizliyi və rəsmi hakimiyyət qurumları dərhal məsələ ilə bağlı araşdırmalara başlayıblar. UKMTO regionda hərəkət edən bütün gəmilərə həmin marşrutdan keçərkən maksimum ehtiyatlı olmağı və hər hansı şübhəli fəaliyyətlə qarşılaşdıqda dərhal məlumat verməyi tövsiyə edib.