Güləşçilərimiz dünya çempionatının yarımfinalına yüksəliblər

Azərbaycanın 3 idmançısı U-20 dünya çempionatında yarımfinal mərhələsinə vəsiqə qazanıb.

hadiseler.info Azərbaycan Güləş Federasiyasının mətbuat xidmətinə istinadən xəbər verir ki, yarımfinala adlayanlardan 2-si yunan-Roma, 1-i isə qadın güləşçisidir:

 Ayxan Cavadov (60 kq, yunan-Roma): Fransa və Braziliya təmsilçilərini məğlub edərək yarımfinalda iranlı Əmirəli Heydəri ilə eşləşib.

 Elmin Əliyev (82 kq, yunan-Roma): Gürcüstan, Yaponiya və Özbəkistan idmançılarını üstələyib. Növbəti rəqibi belaruslu Kiril Valevski olacaq.

 Zəhra Kərimzadə (53 kq, qadın güləşi): Türkiyəli İlayda Çini “tuş”la məğlub edərək yarımfinala adlayıb. O, hindistanlı Tanu Şarma ilə üz-üzə gələcək.

Yeniyetmələrdən Esra Məmmədli (72 kq) isə təsnifat mərhələsində qazaxıstanlı rəqibinə uduzub.

Məlumata görə, yarımfinal qarşılaşmaları Bakı vaxtı ilə saat 19:00-da, medal görüşləri isə 20:00-da başlayacaq.