Nkunku “Milan”dan gedə bilər

Fransalı hücumameylli yarımmüdafiəçi Kristofer Nkunku İtaliyanın “Milan” klubunu tərk etməyə yaxındır.

hadiseler.info “Foot Mercato”ya istinadən xəbər verir ki, 28 yaşlı futbolçu ilə Almaniyanın “Borussiya” (Dortmund), “Leyptsiq” və İngiltərənin “Nyukasl” klubları maraqlanır.

Həmçinin Nkunkuya Səudiyyə Ərəbistanı və Türkiyə klublarından da transfer təklifləri var.

Qeyd edək ki, fransalı oyunçu ötən yay “Çelsi”dən “Milan”a transfer olunub. O, İtaliya təmsilçisinin heyətində çıxış etdiyi 35 oyunda 8 qol vurub və 3 məhsuldar ötürmə edib. Transfer dəyəri 25 milyon avro qiymətləndirilən Nkunkunun “Milan”la müqaviləsi 2030-cu ilə qədərdir.