Qırmızı vərəqədən sonra şüşəni sındıran futbolçuya AFFA-dan ağır cəza

AFFA İntizam Komitəsi Misli Premyer Liqasının I turundakı insidentlə bağlı sərt qərar çıxarıb.

hadiseler.info xəbər verir ki, “Sumqayıt” – “Neftçi” matçında birbaşa qırmızı vərəqə alaraq meydandan qovulan Səbuhi Abdullazadə təcavüzkar davranışına görə 5 oyunluq disvalifikasiya olunub.

Meydanı tərk edərkən stadionun qapısını sındıran və şüşə qırıntılarından ayağından zədələnən futbolçunun bu addımına görə “Sumqayıt” klubu 3 min manat cərimələnib. Həmçinin 4 futbolçusu sarı vərəqə alan “Neftçi” və “Şamaxı” klublarının hərəsi 700 manat cərimə olunub.