Şimali Koreyanın müdafiə naziri vəzifəsindən kənarlaşdırıldı

Şimali Koreyanın müdafiə naziri No Qvan Çxol tutduğu vəzifədən azad edilib. O, Koreya Əmək Partiyasının (KƏP) Mərkəzi Komitəsinin Müdafiə Sənayesi Departamentinin birinci müavini təyin olunub.

hadiseler.info xəbər verir ki, bu barədə Koreya Mərkəzi Teleqraf Agentliyi (KMTA) məlumat yayıb.

Sözügedən qərar Şimali Koreya lideri Kim Çen Inın sədrliyi ilə keçirilən doqquzuncu çağırış KƏP Mərkəzi Hərbi Komissiyasının ikinci iclasında qəbul olunub. Koreya Xalq Ordusunun Baş Siyasi İdarəsinin rəisi Kim Sonq Gi isə ölkənin yeni müdafiə naziri təyin edilib.