ABŞ hərbçiləri Sakit okeanda narkokartelin gəmilərini batırıblar

ABŞ Silahlı Qüvvələri Sakit okeanın şərq hissəsində Ekvadorun “Los Choneros” narkokartelinə məxsus gəmiləri ələ keçirərək batırıblar.

hadiseler.info xəbər verir ki, bu barədə ABŞ Silahlı Qüvvələrinin Cənub Komandanlığı məlumat yayıb.

Kəşfiyyat məlumatlarına əsasən, sözügedən gəmilərin “Los Choneros” narkotik kartelinin maraqlarına xidmət etdiyi müəyyən olunub. Əsas gəmidə olan şəxslər saxlanılaraq Ekvador hakimiyyət orqanlarına təhvil verilib. Gəmidə aparılan yoxlamalardan və ekipaj təxliyə edildikdən sonra ABŞ hərbçiləri əsas və köməkçi gəmiləri batırıblar.