Aİ İsrailə qarşı yeni sanksiyalar tətbiq edə bilər — Almaniya XİN rəhbərindən xəbərdarlıq

Avropa İttifaqı (Aİ) İsrailin milli təhlükəsizlik naziri İtamar Ben-Qvirin Qəzza ilə bağlı verdiyi qalmaqallı bəyanatlara cavab olaraq təl-Əvivə qarşı yeni sanksiya paketini müzakirə edə bilər.

hadiseler.info xəbər verir ki, bu barədə Almaniyanın xarici işlər naziri Yohann Vadeful “Neue Berliner Redaktionsgesellschaft” media qrupuna müsahibəsində bildirib.

Alman diplomat Aİ-nin daha əvvəl qeyri-qanuni məskunlaşma tərəfdarı olan təşkilatlara məhdudiyyətlər qoyduğunu xatırladıb və yeni addımların birbaşa radikal çıxışları ilə seçilən nazir Ben-Qviri hədəf ala biləcəyini istisna etməyib. Qeyd edək ki, Ben-Qvir müsahibələrindən birində İsrail ordusunun HƏMAS-a qarşı mübarizə bəhanəsilə hər gecə Qəzzada 30-40 nəfəri öldürməli olduğunu bəyan etmişdi.