Azərbaycan 2027-ci ildə bədii gimnastika üzrə Dünya çempionatına ev sahibliyi edəcək

hadiseler.info xəbər verir ki, Frankfurtda keçirilən bədii gimnastika üzrə 42-ci Dünya çempionatının bağlanış mərasimi baş tutub.

Mərasimdə Dünya Çempionatının bayrağı Almaniya nümayəndə heyəti tərəfindən Dünya Gimnastikasına, oradan isə növbəti ev sahibi olan Azərbaycan nümayəndə heyətinə təqdim edilib. Bununla da bədii gimnastika üzrə 43-cü Dünya çempionatının 15-19 sentyabr 2027-ci ildə Azərbaycanda keçiriləcəyi rəsmiləşib.

Bakıda təşkil olunacaq 43-cü Dünya çempionatı Olimpiya Oyunlarına təsnifat xarakteri daşıyır. Çempionatda fərdi və qrup hərəkətləri proqramında gimnastların lisenziya qazanmaq imkanı olacaq. Bununla da Azərbaycan möhtəşəm turnirə ev sahibliyi etməklə yanaşı, Olimpiya yolunda mühüm mərhələyə ev sahibliyi edəcək.