Azərbaycandan Ermənistana daha 8 vaqon buğda GÖNDƏRİLİR

Rusiyadan Ermənistana Azərbaycandan tranzit keçməklə növbəti yük partiyasının daşınması həyata keçiriləcək.

hadiseler.info xəbər verir ki, avqustun 15-də ümumi çəkisi 560 ton olan 8 vaqondan ibarət buğda yükü Biləcəri stansiyasından Böyük Kəsik istiqamətinə yola salınacaq.

Məlumata görə, bu günədək Rusiyadan Ermənistana Azərbaycan ərazisindən tranzit keçməklə böyük həcmdə müxtəlif təyinatlı yüklər daşınıb. Statistikaya əsasən, indiyədək 42 min tondan çox taxıl, 9 min tona yaxın gübrə, 1136 ton propan, 133 ton alüminium, 1114 ton kömür və 67 min ton taxta təyinatı üzrə çatdırılıb.

Həmçinin, Azərbaycan tərəfindən Ermənistana 15 min tona yaxın dizel yanacağı, eləcə də 5 min tona yaxın Aİ-92 və Aİ-95 markalı benzin ixrac olunub.