Bakı metropoliteni yeni 9 stansiyanın tikintisinə başlayacaq

Bakıda 2030-cu ilədək 9 yeni metro stansiyası inşa ediləcək
Bu barədə Hadisələr.info “Oxu.Az”a istinadən xəbər verir.
Qurumun mətbuat xidmətinin rəhbəri Bəxtiyar Məmmədov bildirib ki, hazırda məsələ ilə bağlı danışıqlar davam etdirilir:
“Bənövşəyi” xətt üzrə 5, “yaşıl” xətt üzrə isə 4 stansiyanın tikintisindən söhbət gedir. Yaxın vaxtlarda həmin stansiyaların tikintisi üzrə müsabiqə elan olunacaq. Müsabiqənin qalibləri müəyyən ediləndən sonra stansiyaların tikintisinə start veriləcək. Stansiyaların tikintisinə gələn ildən başlanacaq. 9 stansiya 2030-cu ilə qədər tikilib istifadəyə veriləcək”.