Bakı metrosu “Sabah”a görə xüsusi rejimdə işləyəcək

Oktyabrın 20-də Bakı Olimpiya Stadionunda keçiriləcək UEFA Çempionlar Liqası matçında “Sabah” futbol klubunun növbəti qarşılaşması ilə əlaqədar Bakı Metropolitenində xüsusi iş rejimi tətbiq olunacaq.

hadiseler.info xəbər verir ki, bu barədə “Bakı Metropoliteni” QSC rəsmi məlumat yayıb.

Bildirilib ki, stadiona ən yaxın məsafədə yerləşən “Koroğlu” stansiyasına əlavə işçi qüvvəsi cəlb ediləcək və sərnişin axınının tənzimlənməsi üçün nəzarət gücləndiriləcək. Eyni zamanda, ehtiyat qatarlar xəttə buraxılmaq üçün hazır vəziyyətdə saxlanılacaq. “Yaşıl” və “bənövşəyi” xətlər üzrə qatarların hərəkət qrafiki isə dəyişdirilmədən adi rejimdə davam edəcək.

Qeyd edək ki, “Sabah”ın UEFA Çempionlar Liqasının Liqa mərhələsində Almaniyanın Dortmund “Borussiya”sına qarşı oyunu bu gün Bakı vaxtı ilə saat 20:45-də başlayacaq.