Boliviyada hərbi bazada dəhşətli partlayış: Ölənlər var- VİDEO

Boliviyanın Vyaça şəhərində yerləşən hərbi texnikaya xidmət mərkəzində güclü partlayış baş verib.

hadiseler.info xəbər verir ki, “Unitel” telekanalının polis komandanının müavini Rocer Rokenin açıqlamasına dayanaraq verdiyi məlumata görə, hadisə nəticəsində azı 2 nəfər həlak olub, 7 nəfər itkin düşüb, 59 nəfər isə müxtəlif dərəcəli bədən xəsarətləri alıb.

Boliviyanın müdafiə naziri Ernesto Xustinianonun bildirdiyinə görə, xəsarət alanlardan 6-sı hərbi qulluqçu, qalanları isə mülki şəxslərdir. Hadisənin “pirotexniki materiallar”ın saxlanıldığı anbar bölməsində meydana gəldiyi qeyd olunub. Partlayışın güclü dalğası nəticəsində yaxınlıqdakı yaşayış evlərinə və infrastruktura ciddi ziyan dəyib.

Hazırda ərazidə xilasedicilər tərəfindən axtarış-xilasetmə tədbirləri davam etdirilir.