Dünya Bankı Azərbaycan iqtisadiyyatına nə qədər vəsait ayırıb?

Dünya Bankı (DB) bu il ərzində Azərbaycan iqtisadiyyatına yatırılan investisiya və cəlb edilən kapitalın həcmini açıqlayıb.

hadiseler.info xəbər verir ki, bu barədə beynəlxalq maliyyə təşkilatının mətbuat xidməti məlumat yayıb.

Açıqlamada bildirilir ki, 2026-cı maliyyə ilində Dünya Bankı qrupu tərəfindən Azərbaycana 100 milyon ABŞ dollarına yaxın özəl kapital cəlb edilib.

Dünya Bankı Azərbaycanda daha inklüziv, dayanıqlı və rəqabətədavamlı iqtisadiyyatın formalaşmasına dəstək verməyi prioritet hədəf kimi müəyyən edib. Həmçinin, bank tərəfindən ölkəmizdə həyata keçirilən proqramlar Orta Dəhlizin inkişaf etdirilməsi və rəqəmsal infrastrukturun müasirləşdirilməsi məqsədi daşıyır.