Ermənistanın müdafiə naziri hərbi hissələrdə gözlənilməz yoxlamalara başlayıb

hadiseler.info xəbər verir ki, Ermənistanın müdafiə naziri Suren Papikyan hərbi hissələrdə gözlənilməz yoxlamalar aparmağa başlayıb.

Müdafiə naziri yoxlamalar zamanı hərbi hissələrdə gündəlik fəaliyyətlərdən tutmuş xidmətin təşkilinə qədər bütün məsələlərin diqqətdə saxlanıldığını bildirib. Nazirin qərarına əsasən, zabit qruplarının növbətçi hərbi hissələrə göndərilməsi və yerlərdə xidmətin təşkilinə yardım edilməsi nəzərdə tutulur.

Xatırladaq ki, bundan əvvəl Ermənistanın Baş naziri Nikol Paşinyan orduda baş verən hadisələrlə bağlı kadr dəyişiklikləri elan edib. Bəyanatın ardından Silahlı Qüvvələrin Mənəvi və Psixoloji Hazırlıq İdarəsinin rəisi Serejha Stepanyan və Hərbi Polisin rəisi Aşot Zakaryan tutduqları vəzifələrdən azad ediliblər.