İlham Əliyev: “Ermənistana yük daşımalarının bərpası sülhün real nəticəsidir”

Ötən il ərzində Azərbaycan ilə Ermənistan arasında münasibətlərin inkişafı baxımından vacib işlər görülüb. Hadisələr.info xəbər verir ki, bu fikirləri Azərbaycan Prezidenti İlham Əliyev Amerika Birləşmiş Ştatlarının Prezidenti Donald Trampa ünvanladığı məktubda qeyd edib.

Dövlət başçısı məktubunda xüsusi olaraq vurğulayıb: “Azərbaycan ərazisindən Ermənistana yük daşımalarına qoyulmuş məhdudiyyətlər aradan qaldırıldı, Azərbaycanın neft məhsulları, üçüncü ölkələrdən isə taxıl və digər məhsullar ölkəmizin ərazisindən keçməklə Ermənistana ixrac olunmağa başladı. Biz sülhün iqtisadi, ticari və digər sahələrdə real faydalarının şahidi olur, onu daha da möhkəmləndirmək və əməli fəaliyyətə çevirmək, qarşılıqlı etimad mühitini formalaşdırmaq üçün səylərimizi davam etdiririk”.

Regional iqtisadi əlaqələr genişlənir

Tranzit daşımaların bərpası və ticarət əlaqələrinin başlanması bölgədə dayanıqlı sülhün bərqərar olunması ilə yanaşı, iqtisadi canlanmaya da böyük təkan verir.