İspaniyadakı qatar qəzasının səbəbi bəlli oldu

paniyada 64 nəfərin ölümü ilə nəticələnən dəhşətli dəmir yolu qəzasının səbəbi məlum olub.

Hadiseler.info xəbər verir ki, qəzanın kompüter sistemində yaranan nasazlıq və dispetçer səhvi səbəbindən baş verdiyi bildirilib.

Bu barədə İspaniyanın nəqliyyat naziri Oskar Puente “RTVE” telekanalına açıqlamasında deyib.

Nazirin sözlərinə görə, texniki xəta səbəbindən yüksəksürətli qatarların idarəolunmasına cavabdeh olan LZB təhlükəsizlik sistemi sıradan çıxıb.

“Hadisə anında sözügedən ərazidə xətt üzərində dayanan altı qatar olub. Faciə dispetçer mərkəzinin “Renfe” şirkətinə məxsus qatara hərəkət icazəsi verməsindən sonra baş verib və nəticədə həmin qatar “Iryo” şirkətinin dayanan qatarına çırpılıb”, – deyə nazir bildirib.

Oskar Puente qəzaya “Renfe” maşinistinə verilən yanlış dispetçer qərarının səbəb olduğunu təsdiqləsə də, digər qatarların dayandığı bir vaxtda həmin heyətə niyə hərəkət icazəsi verilməsinə aydınlıq gətirməyib və sistemdəki nasazlığın dəqiq səbəbini açıqlamayıb.

Qeyd edək ki, oktyabrın 28-i səhər saatlarında Toledo əyalətində Madriddən Sevilyaya gedən “Renfe” şirkətinə məxsus AVE sürət qatarı yolda dayanmış “Iryo” şirkətinin qatarına çırpılıb. Qəza nəticəsində bir neçə vaqon relsdən çıxaraq bənddən aşıb, 64 nəfər həlak olub, 179-dan çox insan yaralanıb.