İsraildə səs-küylü qətl: “Qafqaz mafiyası”nın rəhbəri killer tərəfindən vuruldu

İsraildə “Qafqaz mafiyası”nın rəhbəri kimi tanınan 45 yaşlı rusiyalı kriminal avtoritet Yanis Yuşvaev silahlı hücum nəticəsində qətlə yetirilib.

hadiseler.info “Mash” teleqram kanalına istinadən xəbər verir ki, hadisə Qeysəriyyə (Caesarea) şəhərində yerləşən “Agenda” kafesinin yaxınlığında baş verib.

Pusquda gözləyən və pensiyaçı cildinə girən killer Yuşvaevə yaxın məsafədən atəş açıb. O, kriminal avtoriteti qətlə yetirdikdən sonra onun yanındakı şəxslərə də bir neçə dəfə atəş açaraq ərazidən uzaqlaşıb.  

Qeyd edək ki, İsrailin mərkəzi bölgələrində fəaliyyət göstərən və Qafqaz mənşəli şəxslərdən ibarət qruplaşmaya rəhbərlik edən Yuşvaevə ilk sui-qəsd cəhdi 2015-ci ildə olunub. Son dövrlər rəqibləri tərəfindən başına 1 milyon şekel mükafat qoyulan avtoritet, 2026-cı ilin fevralında Ben-Qurion hava limanında saxlanılmışdı.