Millimizin iki futbolçusu “Beşiktaş”la, biri isə “Fənərbağça” ilə müqavilə yenilədi

Qadın futbolçulardan ibarət Azərbaycan milli komandasının heyətində çıxış edən Yeliz Açar, Esra Manya və Peritan Bozdağ karyeralarını Türkiyə nəhənglərində davam etdirəcəklər.

hadiseler.info xəbər verir ki, Yeliz Açar və Esra Manya “Beşiktaş”la, Peritan Bozdağ isə “Fənərbağça” klubu ilə mövcud müqavilələrinin müddətini uzadıblar. Bu barədə hər iki Superliqa təmsilçisinin mətbuat xidməti rəsmi məlumat yayıb.

Milli komandamızın üzvlərinin Türkiyə klubları ilə imzaladıqları yeni müqavilələr 2026/2027-ci illər mövsümünün sonunadək nəzərdə tutulub.