Oğurladığı qızılları sataraq özünə maşın alan şəxs tutuldu

Kürdəmir rayonunda mənzillərin birindən ümumi dəyəri 7 min manat olan qızıl-zinət əşyaları oğurlayan şəxs saxlanılıb.

hadiseler.info xəbər verir ki, polisə daxil olan məlumat əsasında Kürdəmir Rayon Polis Şöbəsinin əməkdaşları tərəfindən keçirilən əməliyyat nəticəsində əməli törətməkdə şübhəli bilinən 40 yaşlı Nazir Qasımov tutulub. Əvvəllər dəfələrlə məhkum olunmuş şəxsin oğurladığı qızıl-zinət əşyalarını Bakı şəhərində yerləşən alqı-satqı məntəqələrindən birində satdığı və əldə etdiyi vəsaitlə özünə avtomobil aldığı müəyyən edilib.

Faktla bağlı cinayət işi başlanılıb və N.Qasımov barəsində məhkəmə qərarı ilə həbs qətimkan tədbiri seçilib.