Ölkədən çıxışına qadağa olan YouTuber TIR-ın altında Bolqarıstana qaçmaq istəyərkən saxlanıldı

Türkiyədə “İlave TV”nin rəhbəri Arif Kocabıyık ölkədən çıxış qadağasına baxmayaraq, TIR-ın qoşqusunun altında gizlənərək Bolqarıstana keçməyə cəhd edib.

hadiseler.info xəbər verir ki, Kapıkule Sərhəd-Keçid Məntəqəsində aparılan yoxlamalar zamanı TIR-ın altında iki nəfər aşkarlanıb. Araşdırmalar nəticəsində onların Arif Kocabıyık və bir İran vətəndaşı olduğu müəyyənləşdirilib.

Barəsində “Prezidenti təhqir etmə” ittihamı üzrə məhkəmə prosesi davam edən Kocabıyık TIR sürücüsü ilə birlikdə saxlanılıb və prokurorluğa göndəriləcəyi bildirilib.