Pakistanda kömür mədənində dəhşətli partlayış – VİDEO

Pakistanın cənub-qərbində yerləşən Bəlucistan əyalətində faciəvi faciə qeydə alınıb.

hadiseler.info xəbər verir ki, “The Nation” nəşrinin yaydığı məlumata əsasən, Hərnay şəhərindəki kömür mədənində qaz partlayışı baş verib. Hadisə nəticəsində 4 mədənçi həyatını itirib, 5 nəfər isə müxtəlif dərəcəli bədən xəsarətləri alıb.

Partlayışdan dərhal sonra 5 fəhlə yeraltı uçqun kütləsinin altında köməksiz vəziyyətdə qalıb. Pakistan hərbçilərinin operativ şəkildə həyata keçirdiyi axtarış-xilasetmə əməliyyatı nəticəsində həmin şəxslər yeraltından xilas edilərək çıxarılıb.

Hadisə zamanı yaralanan mədənçilər təcili olaraq Kvetta şəhərindəki tibb müəssisələrinə təxliyə olunublar.