Putin: “Rusiya-Hindistan əlaqələri inkişaf edir”

Rusiya və Hindistan demək olar ki, bütün strateji sahələrdə ikitərəfli əməkdaşlığı davam etdirirlər.

hadiseler.info “TASS”a istinadən xəbər verir ki, bu fikirləri Moskvada Hindistanın xarici işlər naziri Subrahmanyam Cayşankar ilə görüşü zamanı Rusiya Prezidenti Vladimir Putin səsləndirib.  

Prezident Putin görüşdə ölkələr arasında ticarət dövriyyəsinin artdığını vurğulayıb. Rusiya lideri nüvə energetikası, yüksək texnologiyalar, gübrə təchizatı və digər istiqamətlərdə birgə layihələrin gündəmdə olduğunu və proseslərin inamla irəlilədiyini diqqətə çatdırıb.  

Hindistan XİN rəhbəri də öz növbəsində iki ölkə arasındakı iqtisadi tərəfdaşlığın əhəmiyyətli dərəcədə genişləndiyini və şaxələndiyini təsdiqləyib.