“Qarabağ” daha iki futbolçunun transferini həyata keçirməyə hazırlaşır  

2026/27 mövsümündə UEFA Konfrans Liqasının Liqa mərhələsinə vəsiqə qazanmağı və ölkə çempionluğunu hədəfləyən “Qarabağ” heyətini yeni oyunçularla gücləndirməyi planlaşdırır.  

hadiseler.info xəbər verir ki, yay transfer pəncərəsində 8 legioner oyunçunu heyətinə qatan Ağdam təmsilçisi daha iki xarici futbolçunun keçidi ilə bağlı prinsipial razılıq əldə edib.  

Razılaşmanın pozulmaması üçün hələlik futbolçuların adları və mövqeləri gizli saxlanılsa da, transferlərin bu həftə ərzində rəsmən elan olunacağı gözlənilir.