“Real Madrid”dən ilin transferi: 140 milyon avro ödəniləcək

“Real Madrid” “Leypsiq”dən Fil Dişi Sahilli cinah hücumçusu Yan Diomandeni heyətinə qatdığını rəsmən elan edib.

Hadisələr.info xəbər verir ki, bu barədə Kral klubunun rəsmi resursları məlumat yayıb.

İspaniya təmsilçisinin açıqlamasında deyilir:

“Real Madrid CF və RB Leipzig Yan Diomandenin transferi ilə bağlı tam razılığa gəliblər. Futbolçu 30 iyun 2033-cü ilə qədər, yəni növbəti 7 mövsüm ərzində klubumuzun şərəfini qoruyacaq.”

“Sky” insayderi Florian Plettenberqin verdiyi məlumata görə, “Real Madrid” bu keçid üçün “Leypsiq”ə 125 milyon avro zəmanətli bonservis və 15 milyon avro bonuslar olmaqla ümumilikdə 140 milyon avro ödəniş edəcək.