Sankt-Peterburqda dəhşətli partlayış: Zabit həlak oldu-VİDEO

Rusiya Federasiyasının Sankt-Peterburq şəhərində podpolkovnik rütbəli hərbçinin idarə etdiyi avtomobilin partladılması nəticəsində ölüm faktı qeydə alınıb.

hadiseler.info xarici mediaya istinadən xəbər verir ki, avqustun 27-si səhər saatlarında şəhərin Slavyanka mikrorayonunda, Kolpino şosesində yerləşən “Magnit” mağazasının yaxınlığında “Geely” markalı krossover avtomobili partlayıb.

İlkin məlumatlara görə, nəqliyyat vasitəsinin mühərriki işə salınan kimi maşına quraşdırılmış əldəqayırma partlayıcı qurğu işə düşüb. Partlayışın gücündən avtomobilin kuzov hissəsi deformasiyaya uğrayıb və yaxınlıqda park edilmiş digər nəqliyyat vasitələrinə ziyan dəyib.

Nəticədə avtomobildə olan podpolkovnik aldığı ağır xəsarətlərdən olay yerində həyatını itirib. Onunla birgə olan həyat yoldaşı isə xəsarətlərlə xəstəxananın reanimasiya şöbəsinə yerləşdirilib. Hadisənin dəqiq səbəbləri və zərərçəkənlərin kimliyi barədə rəsmi açıqlama hələlik verilməyib.