Şimali Kiprdə gəminin batması nəticəsində 7 nəfər ölüb, 237 insan xilas edilib

Şimali Kiprin Girnə şəhəri sahillərində 260 nəfəri daşıyan sərnişin gəmisinin batması nəticəsində faciə baş verib.

hadiseler.info xəbər verir ki, sahildən təxminən 4 mil (6.44 kilometr) aralıda batan gəmidə sərnişin və ekipaj üzvləri olmaqla ümumilikdə 270 nəfər olub. Şimali Kiprin Baş naziri Ünal Üstel və Girnə şəhərinin meri Murat Şenkulun verdiyi son məlumatlara görə, aparılan axtarış-xilasetmə əməliyyatları nəticəsində 237 nəfər xilas edilib, 7 nəfərin isə meyiti tapılıb.

Hadisə yerinə Sahil Mühafizəsi xidməti, “Akgünlerin Express” gəmisi və çoxsaylı kiçik qayıqlar cəlb olunub. Hazırda batmış gəmidə olan daha 23 nəfərin axtarışı və xilası istiqamətində əməliyyat-xilasetmə tədbirləri davam etdirilir.