Mikroavtobus minik maşını ilə toqquşaraq aşıb — 7 ölü, 13 yaralı

Türkiyənin Qaziantep şəhərində ölümlə və çoxsaylı xəsarətlə nəticələnən ağır yol-nəqliyyat hadisəsi baş verib.

hadiseler.info “Haber Global”a istinadən xəbər verir ki, sərnişin mikroavtobusu minik avtomobili ilə toqquşub. Zərbənin təsirindən mikroavtobus yoldan çıxaraq aşıb. Dəhşətli qəza nəticəsində 7 nəfər həyatını itirib, daha 13 nəfər müxtəlif dərəcəli xəsarətlər alıb.

Əraziyə dərhal təcili tibbi yardım, jandarm və xilasedici qruplar cəlb olunub. Yaralılar ilk tibbi müdaxilədən sonra şəhərdəki müxtəlif xəstəxanalara çatdırılıb.

Hadisənin başvermə səbəbləri hələlik açıqlanmır. Faktla bağlı müvafiq qurumlar tərəfindən geniş araşdırma aparılır.