Türkiyədə millət vəkili bıçaqlandı

Türkiyədə YENİ Partiyasından olan millət vəkili Melih Meriç bıçaqlı hücuma məruz qalıb.

hadiseler.info Anadolu Agentliyinə istinadən xəbər verir ki, insident Qaziantepin Şahinbey rayonunun Akkent məhəlləsində baş verib.

Bıçaqlanan deputat təcili olaraq Qaziantep Şəhər Xəstəxanasına çatdırılıb və əməliyyat olunub.

Hücumu törədən şəxsin CHP-nin keçmiş Oğuzeli rayon sədri S.A.K olduğu müəyyən edilib. Hadisədən sonra qaçan şübhəlinin tutulması üçün polis əməliyyatı davam edir.

Qaziantep valisi Kemal Çeber məsələni yaxından izlədiklərini və millət vəkilinin tezliklə sağalmasını arzuladıqlarını bildirib.