Türkiyədə tanınmış jurnalist Oya Lale Arslan saxlanılıb

Ankara Cumhuriyet Başsavcılığı tərəfindən jurnalist Oya Lale Arslan haqqında cinayət işi başlanılıb.

hadiseler.info xarici mediaya istinadən xəbər verir ki, təhqiqat jurnalistin sosial media hesablarında və “YouTube” platformasında etdiyi paylaşım və canlı yayımlarla bağlıdır.

Oya Lale Arslan “Halkı yanıltıcı bilgiyi alenen yayma” (ictimaiyyət arasında qəsdən yanlış məlumat yayma) və “Terör örgütü propagandası yapma” (terror təşkilatının təbliğatını aparma) maddələri üzrə yürütülən istintaq çərçivəsində gözaltına alınıb. Hüquq-mühafizə organları tərəfindən jurnalistin yaşadığı evdə axtarış aparılıb və müvafiq rəqəmsal materiallar (dijital cihazlar) müsadirə edilib.