Yağışlı hava ilə əlaqədar Hava Limanı yolunda sürət həddi endirildi

Bakıda müşahidə olunan yağışlı hava şəraiti səbəbindən Zığ dairəsi-Hava Limanı yolunda bütün zolaqlar üzrə maksimal sürət həddi 20 km/saat azaldılıb.

hadiseler.info xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat yayıb.

Məlumatda bildirilib ki, Mərkəzin əməkdaşları tərəfindən ərazidəki məlumat sürət tablolarında “sürüşkən yol” xəbərdarlıq işarəsi aktivləşdirilib. Sürücülərdən hava şəraitini nəzərə almaları və müəyyən edilmiş sürət həddinə əməl etmələri xahiş olunur.