Bursada söküntü zamanı 6 mərtəbəli bina çökdü — VİDEO

Bursada riskli olduğu üçün sökülməsinə qərar verilən yaşayış binası işlər zamanı anidən uçub.

hadiseler.info “TRT Haber”-ə istinadən xəbər verir ki, hadisə Bursanın Mustafakemalpaşa ilçəsində qeydə alınıb. Zəlzələyə davamsız olduğu əsası ilə haqqında söküntü qərarı çıxarılan 6 mərtəbəli binada işlərin davam etdiyi sırada gözlənilmədən çökmə baş verib.

Hadisə anında böyük bir gurultu ilə çökmə meydana gəlib və ərazini sıx toz buludu bürüyüb. Beton və taxta parçalarının ətrafa saçılması çevrədəki vətəndaşlar arasında qısamüddətli təşvişə səbəb olub.

Xoşbəxtlikdən, hadisə zamanı heç kəs xəsarət almayıb. Fövqəladə anlar ətrafdakı insanların mobil telefon kameraları tərəfindən anbaan lentə alınıb.