“Neftçi” Emil Səfərovla müqaviləni uzatdı

“Neftçi” klubu futbolçusu Emil Səfərovla yeni müqavilə imzalayıb.

hadiseler.info xəbər verir ki, paytaxt təmsilçisi 23 yaşlı yarımmüdafiəçi ilə “2+1” illik yeni sözləşmə bağlayıb.

2024-cü ildən “ağ-qaralar”ın formasını geyinən E.Səfərov ötən 2 mövsüm ərzində bütün turnirlərdə çıxış etdiyi 50 oyunda 3 qol və 5 məhsuldar ötürmə müəllifi olub.

Klubun baş icraçı direktoru Cenk Sümer gənc futbolçunun xarakteri, potensialı və göstərdiyi performansla həm “Neftçi”yə, həm də Azərbaycan millisinə vacib töhfələr verdiyini, gənc nəsil üçün örnək olduğunu bildirib.